.. ابتسامه تشرق من بين انقاض الالم ..

ابي اعترف ان سبب انقطاعي هي قصة حب غطت على قصص العشاق
وهذاي بسولف لكم حكايتي
طبعا كلكم تدرون اني شاب مطفوق وعَجِل الله لا يبلاكم
وبسرعه احب
مرتن من المراريت اللي الله لا يعيدها كنت طفشان وقافله معي لاني طالع من قصة حب خطيره
قلت بروح للشات احط حرتي فيهم ويا ليتني ما دخلت
دخلت باسم طرار حب
صحيح ان الاسم رومانسي < << امحق رومانسيه
لكن دخلت ابي اضحك
اول ما دخلت قلت
س54 < <<<< يعني سلام يلخّكم على خشومكم اليييييييين ما يخلي الواحد فيكم الا وهومعرّط بالقاع
كلهم ضحكو على السلام واللي ما ضحك قال هلا بالمنسم واللي يقول ضبط الشات واللي يقول تكفى لا تطلع ابي ادخل بنكي الحقيقي واللي يقول اصبر ابي ادخل بنكّي الاخضر عشان اضبط نفسي واللي يقول لحظه ابي اجيب كاميرا فيديو ابي اصور المحادثه < << هذا واحد دلخ هههههههه
الا هي
قالت لي هلا ومليون مسهلا بأغلا نك شفته في حياتي
طبعا انا داخل وفي راسي رجتن اكبر من صماخ واحد تعرفونه وحالف انها ما تطلع الا بعد ما يشوتوني باند
لكن هالبنت شكلها تبي تطيح اللي براسي الله يطيّح ضروسها اللي كنهن درزن صابون بس ماخذين سبعه من النص هههههههه
قلت هلا فيتس ياللي اسمك مدري من وين ينقرأ
مدري وش فيه
احس انه مقطّع
اقول لا تكون متسلفته من اثنين
كان اسمها (( ريــــ المها ــــم ))
اللي بالدردشة ضحكو ضحك الين ما سمعت رضخ قلت وش اللي صار
طلع لي واحدن (( نكّه مدربي درامات )) قال انا اسف من زود الضحك نسيت نفسي اني مدربي درامين وخشّن على بعض
قلت لا تكون مدربي ريــــ المها ــــم تراها درامين في درام الدرام الاول ريم والمها هو الدرام الثاني
قال اللي معاه الكاميرا الله يرجكم لا تكتبون شي ابي اصور الجمله هذي عاجبتني
< <<<<< وين الله بلاه بهالجنط
ما دريت الا وهي راده علي بضحكه طيرت غلاقة مخي
وقالت الاسم وصاحبته يفدونك يا بعدهم
هنا
هنا
هنا
انا انطميت وما قدرت اهرج
وبدأ قلبي يشكّل < <<< مرواس مو قلب
وحرارتي ارتفعت .. الظاهر ان الراديتر راح فيها
قلت تسلمين لي يا الغلا
قال مدري الدرامات والله ان الرجال راح فيها
رد عليه برطم نمله قسم هي اللي عرفت شلون تسكت

ذاك اليوم كنت اهايط على بنت معاي ع الماسينجر واسولف لها بطولاتي ومغامراتي
اخص يا الزير سالم
واني كنت احلى واحد بالحاره
والبنات ما غير ملاحق وراي
كل هذا عشان تطيح فيني
وما دريت الا جوالي يرن
رديت عليه ما دريت الا وخالي يقول دق علي يا القوطي
العن ام العفانه
قلت خالي والله لو انك حبيبتي ما اسويها
قال اخص يالقوي والله لو اني حبيبتك كان قلت طيران يا عمري
لكن اعرفك عفن وما تندي يا القعيطي
قلت عدال يا حاتم النعيريه ههههههههههه
قال عندي لك سالفه بقولها لك
وما دريت الا والاشاره التنبيهيه رازه في خشتي
واتذكر المسكينه اللي لاطعها معي ع الماسنجر
وبدل ما اكتب برب
قلت لخالي برب
قال برب بعينك
تكلم عدل والا ترا اجيك واخليك تعرف تسولف
قلت يا خال الله يهديك برب يعني لحظه شوي
وبعدين ماهي لك ذي للي معاي ع الماسينجر
قال ادري بنت
يالله صرفها
واركب سيارتك وتعال لنا في البر
قلت عسى ما شر
قال تعال وانت تعرف
الدعوه خربانه
المهم استئذنت من البنت اللي معاي
وطلعت للنعيريه بشوف آخرتها مع هالخال
جيتهم هناك
وهناك لقيت الخال محتريني
قلت وراك
قال جدك .. الظاهر انه طب الفيضه ( يعني علومه بدت تخور )
مسكت معاه الا يطلع للبر
يبي يسرح بالابل
قلت افاااااااا
سواها الجد
قال يا بعدي نبيك تقنعه ان يرد للبيت
ازعج الرعيان وما خلاهم ينامون
تصدق ذاك اليوم خانقن النيجيري وهو يقول ورا لونك اسود ؟
يالله هالحين ابي لونك ابيض ثلجي
والمصيبه الكبيره ان الراعي النيجيري انكسرت رجله قبل يومين طبعا من عين جدك الحاره
وجلس بالخيمه عند جدك
وبما انه ما يعرف عربي الا بالفصحى صار يسولف مع جدك بالفصحه حتى يفهم عليه
ما درينا الا وجدك قلب معاه وصار ما يسولف الا فصحى
قلت ازهلوه
قال خالي : انا اشهد انك راعيها يا الذيب
دخلت على جدي بالخيمه وقلت له هاي
قال وعليكم الهاي ورحمة الله وبركاته .. انت ايها الشاب الوسيم .. اما تعلمت السلام؟؟
قلت الا تعلمته منك
تبيني اسلم عليكم مثل سلامك
السلام عليكم يا الربع .. تسيف احوالكم .. شلونكم . عساكم طيبين .. وشلون اللي وراكم
انت يا خليف شلون امك خزنه عسى ظهرها ما يوجعها للحين
الجد : صه صه يا ورع < <<< امحق فصحى
ولما جيت ابي احب خشمه قال : من انت يا اخا العرب ؟
قلت :انا عابر سبيل جاي من مكه وانهكه التعب
قال : يالله انت حيه تسيف ربوعنا اللي هناك < <<<< لا تواخذونه احيانا يصحى ويسولف عدل ههههه
قلت : يسلمون عليك ويقولون ورا ما نشوفك بشات ابو لهب .. وبعدين زوجة ابو جهل زعلانه عليك تقول انها شاكه انك عامل لها حظر بالماسينجر
وابشرك مسيلمة الكذاب عمل منتدى سماه شبكة ومنتديات التسذابين وعلى فكره ما يدخل الا التسذوب
قال :اذا روّحت يمّهم ابلغهم سلامي الحار وقل لهم ان ذاك اليوم سيّر علي الزير سالم بالخيمه ولما شاف الكمبيوتر قال.. ما هذه البليه ( البليه يعني الشي )
قلت انه الحاسوب الا تعرفه
قال:لا لاني عايش بالصراحه منذ خمس سنوات.. الا ما قلت لي وش فاي

جابت مزنه المكياج وقالت راح اتمكيج زي ما تتمكيج اللبنانيات يمممممممممممه منهن
الوحده إذا حطت هالمكياج تصير حللللللللوه زي نانسي عجرم مع اني احلى منهن
مسكت المكياج وصارت تصبّخ على خشتها منه بس كل شي ماهو بمكانه !!
مسكت ( احمر شفاه ) وقالت وش ذا الاحمر اكيد للخدود !!
وحطيت دائره كبيره في الخد الأيمن ودائره صغيره في الخد الايسر ولصّق